TAU FOUNDATION

ОҚУШЫЛАР МЕН СТУДЕНТТЕРГЕ БІЛІМ БЕРУ САЛАСЫНДА ҚОЛДАУ КӨРСЕТУ

TAU FOUNDATION

Қор туралы

Біз кімге көмектесеміз?

«TAU FOUNDATION» қоғамдық қоры дарынды жастарды — оқушылар мен студенттерді қолдау мақсатында білім беру саласындағы әлеуметтік жобаларды жүзеге асырады.

Оқушылар мен студенттер — қордың барлық жобалары мен бағдарламаларының негізгі бенефициарлары. Біздің бастамаларымыз олардың сапалы әрі қолжетімді білім алуына, өз әлеуетін дамытуына және армандарына жетуіне қолдау көрсетуге бағытталған.

Қызмет бағыттары

Қор әлеуметтік маңызы бар мәселелерді шешуге бағытталған жобаларды жүзеге асыру үшін қайырымдылық қаражат тартады. Негізгі жұмыс бағыттары:

Ауылдық және қалалық жерлердегі дарынды оқушылардың ҰБТ-ға сапалы дайындалып, жоғары оқу орнының грантына түсуіне мүмкіндік жасау
Ерекше қабілеті мен таланты бар оқушыларға қолдау көрсету
Ынталы студенттердің тұлғалық дамуына бағыт-бағдар беру
Еліміздегі мұғалім тапшылығы мәселесін шешуге үлес қосу
Мектептің үздік түлектерін мұғалім мамандығын таңдауға ынталандыру
Мұғалім мамандығын таңдаған студенттерге қосымша шәкіртақы тағайындау

Нәтижелеріміз

TAU Foundation бастамаларының тарихы 2021 жылдан бастау алады. Осы уақыт ішінде Семей қаласында бірқатар білім беру жобалары жүзеге асырылып, жаңа бастамалар қолға алынды.

Осы кезеңде әртүрлі саладағы компаниялардың тұрақты демеушілік көмегі мен жеке тұлғалардың қайырымдылық қолдауы арқылы 500 млн теңгеден астам қаражат тартылды.

Жүзеге асырылған жобалар аясында Абай облысының 5 000-нан астам ауыл оқушысы іріктеуге қатысып, олардың арасынан 150-ге жуық оқушы екі жыл бойы Семей қаласында ҰБТ-ға кешенді түрде тегін дайындалу мүмкіндігіне ие болды. Нәтижесінде жоба түлектерінің 100%-ы жоғары оқу орындарының білім гранттарына түсті.

Сонымен қатар, мұғалім мамандығын таңдаған 100-ге жуық студенттің тұлғалық дамуына қолдау көрсетіліп, үздік студенттерге тұрақты түрде қосымша шәкіртақы тағайындалып келеді.